Osloda Gələcəyin Kitabları üçün 100 illik Meşə Layihəsi
Norveçin paytaxtı Osloda start verilən Future Library layihəsində yazılan kitablar 2114-cü ilə qədər oxunmayacaq. Bu müddətdə 1000 ağac böyüyəcək və yalnız o zaman kağız üçün istifadə olunacaq.
Gələcək üçün ağac əkilməsi
2014-cü ildə İskoç rəssam Katie Paterson tərəfindən başladılan Future Library layihəsində hər il bir yazıçı yeni əsər yaratmaq hüququ qazanır. Lakin bu yazılan əsərlər 2114-cü ilə qədər oxuculara təqdim olunmur.
Bu məqsədlə Oslo yaxınlığındakı Nordmarka meşəsində 1000 Norveç ladini əkilib. Bu ağaclar yüz il sonra kəsilərək məhz bu əsərlərin çapı üçün kağıza çevriləcək.
Qeyri-adi kitabxana və əsərlərin qorunması
Hazırda yazılan əsərlər Oslodakı Deichman kitabxanasında yerləşən "Səsiz Otaq"da saxlanır. Otağın divarları da həmin meşədən gətirilən ağaclardan hazırlanıb.
Burada qonaqlar yazıçıların adlarını və əsərlərin başlıqlarını görə bilərlər, lakin əsərlər yalnız 2114-cü ildən sonra açılacaq.
Layihənin məqsədi və davamlılığı
Future Library Fondunun məqsədi layihəni 100 il davam etdirmək və hər il yeni yazıçı cəlb etməkdir. İlk yazıçı 2014-cü ildə Margaret Atwood olmuş, ona David Mitchell, Elif Şafak, Han Kang və Karl Ove Knausgård kimi yazarlar qoşulub.
Bu layihə oxuculara gələcəyin ədəbiyyatını təqdim etməklə yanaşı, ekoloji davamlılığı da simvolizə edir.
